Эмлашнинг таъсири қандай?

Эмлаш ҳақида сўзлашдан олдин унинг тарихига назар ташласак, кадим замонлар яъни ўтмишга саёҳат қиламиз. Илк эмлашлар сувчечакнинг енгил кўринишига қарши амалга оширилган...

Инсоният тарихи шуни кўрсатдики, вакцина у ёки бу юқумли касалликларга иммунитетни  шакллантиради. Яъни иммун  тизимининг қайсидир инфекцияга қарши курашини кучайтиради. Кейин иммунитет организмга киритилган инфекция билан курашади хамда уни чақирган микроорганизмни эслаб қолади. Инфекция яна организмга тушган тақдирда, табиий химоя қилган холда у билан курашади.

Полиомелит, қоқшол, дифтерия, кўкйугал, қизамиққа қарши режали эмлаш хар йили бутун дунёда 3 миллион боланинг хаёти ва саломатлигини сақлаб қолади.

Бугунги кунда ишлаб чиқарилаётган янги вакциналар яна хам кўпрок — қарийб 8 миллион боланинг умрини сақлаб қолишга кўмак беради.

Мамлакатимизда санитария-эпидемиология холатни барқарор сақлаш ва юқумли касалликларга қарши курашнинг замонавий тизими яратилган. Миллий эмлаш тақвимига мувофик ўн саккиз ёшгача бўлган болалар ўн иккита касалликка қарши эмланмокда. Миллий эмлаш тақвимига киритилган иммунопрофилактика тадбирларига кетадиган маблағлар эса давлат бюджети хисобидан молиялаштирилади.

Эмлаш ишларини амалга оширишда фойдаланиладиган, жахон тиббиёти амалиётида кенг қўлланилаётган энг самарали эмлаш воситалари мамлакатимизга олиб келиниб, тегишли тартибда тиббий-лаборатория синовларидан ўтказилади. Соғликни сақлаш вазирлиги томонидан мувофиқлик сертификати билан кафолатланди ва совуқлик занжири тизимига риоя этилган холда жойлардаги эмлаш пунктларига етказиб берилади.