Касалликларга қарши курашда Вакцинация аҳамияти

Вакцинация яъни, эмлаш орқали бир қатор юқумли касалликларнинг олдини  олишда асосий восита хисобланади. Фақат профилактик эмлаш туфайли дифтерия, полиомиелит, қоқшол, кўкйутал, сил, паротит, грипп, қутуриш, бактериал менингитлар билан касаллапиш хамда ушбу касалликларнинг асоратидан сақланиш мумкин.

Эмлаш туфайли ахоли орасида кўк-йўтал, дифтерия, қоқшол, қизамиқ касалликлари 180 миллион холатга камайтирилди, ушбу касалликлардан нобуд бўлиш 3,2 миллион, полиомиелитнинг фалажланиш шакли 400 минг хамда 2,4 миллион сурункали гепатит В касалликлари билан касалланишнинг олди олинди.

Вакцинация юқумли касалликларнинг олдини олишда энг самарали восита хисобланади. Ўтган асрнинг 80-йилларида бутун дунёда чин чечакнинг йўқотилиши бунинг исботидир.

Соғликни сақлаш тизимида тасдиқланган меьёрий хужжат 0239-07/2-сонли санитария қоида ва меьёрларидаги жадвалда аҳоли ва болаларни гепатит В, сил, полиомиелит, қизамик-қизилча, эпидпаротит, дифтерия, кўкйутал, қоқшол, гемофил ва ротовирус инфекциясига қарши эмлаш билан қамраш муддатлари белгиланган. Ахоли ва болаларни эмлаш ишлари режали тарзда мунтазам олиб борилмокда. Унга кўра бола туғилган кунда В1 В-1- вирусли гепатит В га қарши, 2-5 кунликда ОПВ-О -полиомиелит хамда БЦЖ-1 силга қарши, 2 ойликда ОПВ1- полиомиелитга карши, РОТО-1-Ротовирус инфекцияга, Пентавалент(АКДС+ВГВ+Хиб)1- дифтерия- коқшол- кўкйутал -вирусли гепатит В- хиб инфекцияга; ПНЕВМО-1 га, 3 ойликда ОПВ -2, РОТО-2. Пентавалент -2. ПНЕВМО-2 га, 4 ойликда Пентавалент-3, 01ТВ- 3, ИПВ га эмланади. Шунингдек, 12 ойликда КПК-1- қизамиқ-паротит-қизилчага қарши; ПНЕВМО-3 га, 16 ойликда АКДС-4-дифтерия-кўк йўтал-қоқшолга қарши, ОПВ-4- полиомиелитга қарши,  6 ёшда КПК-2 -қизамиқ-паротит-қизилчага қарши, 1синф (7 ёш) АДС-М-5- дифтерия-қоқшол, ОПВ-5 - полиомиелитга қарши, 16 ёшда эса АДС-М-6 - дифтерия-қоқшолга қарши эмаланади.

Ҳозирги вақтда амалиётда ишлатилаётгап вакциналар Жахон Соғликни сақлаш ташкилоти сертификатига эга, хавфсиз ва самарали хисобланади. Республикамизда эса қувонарлиси  соғликни сақлаш сохасида ахоли ва болаларни хавфсиз иммунизациялаш тизими яратилган.

Мамлакатимизда ҳар бир фуқаро миллий эмлаш жадвали асосида ва эпидемиологик кўрсатма бўйича бепул эмлаш билан камраб олинган. Шундай экан, касалликни даволагандан кўра, унинг олдини олиш афзалрок.

Эмлашдан бош тортган аҳоли ва болалар ўзининг ҳаётини хавф остига кўяди. Ҳар бир инсон, хар бир бола соғлом яшаши ва узоқ умр кўриши учун юқумли касалликларга қарши эмланиши лозим! Факат эмлаш туфайли Сиз ўзингизни ва сизга яқин бўлган инсонлар- болажонларни юқумли касалликлар ва уларнинг асоратидан асрашингиз мумкин.