Ўзбекистонда онкологик касаллигининг олди олинмоқда

Ўзбекистонда аёлларда учрайдиган бачадон бўйни саратонининг олдини олишга йўналтирилган Одам папилломаси вирусига қарши вакцина жорий қилинмокда.Жахон соғликни сақлаш ташкилоти (ЖССТ) маълумотларига кўра, хар йили дунё миқёсида 370 мингдан зиёд аёлда бачадон бўйни саратони биринчи бор қайд этилади, шулардан 190 минг нафари ушбу касаллик оқибатида вафот этади.

Бачадон бўйни саратони Ўзбекистонда энг кўп учрайдиган саратон касалликлари орасида иккинчи ўриндадир. Касалликлар орасида хавфлилик кўрсаткичи бўйича эса бачадон бўйни саратони барча ёшдаги аёллар ўртасида кўкрак бези ва ошқозон саратони хасталикларидан кейин учинчи ўринда ва туғиш ёшидаги аёллар орасида бачадон бўйни саратонидан ўлим кўрсаткичи  бўйича иккинчи ўринда туради.

Шундай килиб, папиллома вируси касалликларининг салмоғи юқори бўлиб, унинг олдини олиш учун самарадорлиги юқори ва хавфсиз булган одам папилломаси вируси вакцинаси билан эмлаш орқали бачадон бўйни саратони билан касалланишнинг камайишига эришиш мумкин.

2006 йилдан бошлаб қизлар дунё микёсида ОПВга қарши вакцина билан эмланади. Юздан ортиқ мамлакат ундан фойдаланиш учун рухсат олган, улардан 74 таси вакцинани ўзининг миллий эмлаш календарига киритган. Кўп йиллик ўрганишлар вакципанинг самараси 10 йилдан ортиқ эканини кўрсатмокда. Кўпчиликни вакцина қизларнпнг репродуктив фаолиятига салбий таъсир кўрсатмайдими, дегаи савол қизиқтириши табиий. Жахонда ўтказилган тажрибалардан маълум бўлишича, ушбу вакцина қизларни нафақат бачадон бўйни саратонидан химоялайди, балки уларнинг соғлигини янада мустахкамлайди.

Миллий эмлаш календари бўйича юртимизда болалар давлат хисобидан 12 та бошқариладиган инфекцияга қарши профилактик эмланади, уларни қўллаш эвазига кўп йиллардан буён қатор касалликларнинг олди олиняпти. ОПВга карши вакципанинг жорий қилиниши эса бачадон бўйни саратони касаллигининг олдини олишга хизмат қилади. Жойларда Глобал вакцина ва иммунизация альянси ёрдамида кўрилаётган музлатгичли омборларда вакциналар сифатли сақланади ва тарқатилади. Вакциналар жорий йилнинг биринчи ярмида юртимизга олиб келина бошлайди ва октябрь ойидан бошлаб 400 минг нафарга якин 9 ёшли қизлар мактабларда ва тиббиётнинг бирламчи бўғинларида эмланади.