Эмлаш хафли эмас.....

Вакцинанинг аҳамияти нафақат мамлакат, балки жаҳон соғликни сақлаш тизимида ҳар канча эътироф этилса-да, «антивакцина» руҳидаги кишилар кўпчиликни ташкил этади. Бунга сабаб нима?

Интернет сегментида айни шу рухда фикр билдирган ота-оналарнинг мулоҳазалари таҳлил килиб курилганда маълум бўлдики, улар вакцина инъекциялари фарзандининг руҳий ривожланишига салбий таъсир кўрсатганини таъкидлашган. Шунингдек, фарзандига аутизм ташхиси кўйилган ота-оналарнинг  ҳам аксарияти болада бу ҳолат айнан эмлаш жараёнидан кейин бошланганини айтишади. Бундай қарашларга нисбатан мутахассис ДСЭНМ мутахассиси Худойназар Хўжаназаров шундай дейди:

-“Вакцина инъекцияларининг руҳий ўзгаришларни келтириб чиқариши илмий, тиббий нуктаи назардан мутлако тасдиқланмаган. Бу ота-оналарнинг шахсий қараши холос. Вакцина малакали мутахассисларнинг йиллаб меҳнати ва изланиши натижасида яратилади. Бунинг ортида ЮНИСЕФ, ЖССТ каби йирик муассасалар турибди. Дунё бўйича тарқатиладиган, хусусан, Ўзбекистонга кириб келадиган вакцина ҳам ЖССТ тасарруфидаги корхоналарда ишлаб чиқарилади ҳамда экспертлар назоратидан ўтган бўлади.”