Вакцина «Хавфли»: эмлаш ҳақидаги миш-мишлар канчалик тўғри?

Жахон соғликни сақлаш ташкилотининг (ЖССТ) маълумотига кўра, хавфли касалликларнинг олдини олиш бўйича эмлаш усули муаммога иқтисодий жихатдан энг самарали ечим бўлиб, йилига 2-3 миллион кишининг хаётини сақлаб қолинади. Эмлашдан бош тортиш эса инсониятга қарши оммавий тахдидлар рўйхатига киритилган. 

Аммо, шунга қарамай, эмлаш мавзуси атрофида зиддиятли фикрлар кўп учрайди. Хусусан, унинг акс таъсири, ўтказилиш тартиби, хавфсизлик даражаси борасида мутахассислар ва аҳолининг фикри аксар бир нуктада тўқнашмайди.

Эмлаш хавфли ва юқумли хасталиклар қўзғатувчисининг зарарсиз микдордагисини қонга юбориш жараёни хисобланади. Организм бу вирус билан «танишади» ва унга қарши иммунитет хосил килади. Бу орқали хасталикнинг юқиш эхтимоли сезиларли даражада камайтирилади.

Ўзбекистан Республикаси Соғлиқни сақлаш вазирлиги тақдим этган маълумотга кўра, эмлаш кампаниясининг тўғри амалга оширилиши натижасида бўғма, қоқшол, вирусли В гепатити каби хасталиклар худудимизда учрамаяпти.

Эмлашни амалга оширадиган мутахассис махсус ўқитилади ва вакцина ўтказишга рухсат берувчи сертификат берилади. Ҳар бир эмлаш хонасида бундай сертификат осиғлик туриши керак. Ота-она мутахассис малакасига шубха қилган тақдирда бу хужжатни хамда инъекциянинг кафолатини талаб қилишга хаққи бор.

Миллий эмлаш тақвимига бактериал менингит, кўкйутал, полиомелит, қоқшол, ротавирус, дифтерия, вирусли В гепатити, сил каби турли юқумли хасталикларга қарши 12 хил вакцина киритилган. Улар бола туғилгандан 18 ёшгача бўлган даврда турли муддат оралиқлари билан режали тарзда амалга оширилади. 12 турдаги вакцина давлат бюджети хисобидан барчага бепул ўтказилади.

Фақатгина А гепатитига қарши эмлаш пулли тарзда амалга оширилади. У эмлаш жадвалига киритилмаган, лекин хавфи юқори бўлганлиги учун мутахассислар томонидан қатъий тавсия этилади.

2017 йилда А гепатити эпидемия тарзида қўзғалиши хавфи мавжуд эди. Шу боис вазирлик 3 миллион доза инъекция олишга эришган ва бепул тарзда болаларга ўтказилган эди. Эпидемия эхтимоли юзага келгандагина  шу сингари бепул эмлаш ишлари  олиб борилиши мумкин.

Шунингдек, ижтимоий  оғир ахволдаги оила фарзандларини бу вакцинадан ўтказишда қийинчилик юзага келганда хомийлар кўмаги ташкиллаштириб берилади. Кейинчалик бу вакцина хам  Миллий эмлаш тақвимига киритилиши режалаштирилмоқда.